பாரதி கண்ட புதுமையே

– தமிழ்

கவிஞர்: மகேந்திரன்.க
📚 ₹750 மதிப்புள்ள புத்தகங்கள் பரிசு

கவிதை

அகரமுதலாய் அமைந்தவளே – எம்
ஆதித் தாயாய் நிலைத்தவளே!
சங்கப் பலகை ஏறியவளே – உயர்
சந்தத் தமிழாய் மலர்ந்தவளே!

குமரிக் கடலின் அலை ஓசை – உன்
கொஞ்சும் தமிழின் உயிர் ஓசை!
இமயம் வரைக்கும் புகழ் மணக்க – நீ
இலக்கிய வானில் ஒளி கொடுக்க!

வள்ளுவன் தந்த திருக்குறளே – உன்
வாழ்வியல் சொல்லும் மணிமகுடம்!
கம்பன் வடித்த காவியமே – உன்
கற்பனை ஊற்றின் பெரும் வடிவம்!

பாரதி கண்ட புதுமையே – உன்
பாய்ச்சல் காட்டும் பெருமையே!
பாவேந்தர் பாடிய அழகே – நீ
பண்பாடு காக்கும் எம் விழியே!

எளியோர் பேசும் தேன் மொழியே
அறிவியல் ஆளும் வான் மொழியே!
கணினித் திரையில் நீ மின்ன – எம்
காதல் தமிழ் அங்கே மின்ன!

பிறமொழி மோகம் துறப்போமே
பெருமைத் தமிழைப் பேணுவோமே!
இனம் காக்க மொழி காப்போம் – நாம்
இணையிலாத தமிழைப் போற்றுவோமே!

வாழ்க தமிழ்! வளர்க அதன் புகழ்!
வையகம் உள்ளவரை நிலைக்க உன் புகழ்!
கார்புகழ் போற்றி நிற்கும் அவையரசி.

About The Author

thecriticspoetry

See author's posts